Nieuwe Kaart van de Noord-Pool

Zorgdrager var hollenskur skipstjóri sem kom til Íslands árið 1699. Töluvert síðar ritaði hann bók um veiðar í Norðurhöfum og löndin þar í grennd, Bloeyende opkomst der aloude en hedendaagsche Groenlandsche Visschery, þar sem hann segir talsvert frá Íslandi. Bókinni fylgja allmargir uppdrættir. Þar eru kort af norðursvæðinu í heild, hlutum þess eða einstökum löndum (þ. á m. Íslandi). Á þeim kortum sem Íslandi bregður fyrir sést að lögun landsins er sótt til sjókorta fremur en almennra landabréfa. 
Bók Zorgdragers var gefin út aftur á frummálinu 1727 og í þýskri þýðingu 1723 og 1750.

Nánar

Höfundur: Cornelis Gisbert Zorgdrager
Útgáfuland: Holland
Útgáfuár: 1720

Útgáfustaður: Amsterdam
Útgáfuár: 1720
Stærð: 17,7×23,6 sm