Í lok 16. aldar kom út í Rómaborg landfræði- og stjórnarfarsrit eftir Giovanni Botero. Engin kort fylgdu bókinni að þessu sinni en síðar voru ýmsar útgáfur hennar auknar kortum. Fjöldi þeirra mun vera harla mismunandi í hinum ýmsu útgáfum en þær urðu margar bæði á Ítalíu og erlendis næstu áratugina. Í útgáfu, prentaðri í Brescia 1599, eru 93 kort, sniðin eftir kortum Abrahams Orteliusar.