Islandia

Matthias Quad var einn af þeim fyrstu sem tóku hina nýju Íslandsgerð Abrahams Orteliusar sér til fyrirmyndar. Quad var mikilvirkur kortagerðarmaður en kort hans þykja ekki að sama skapi vel gerð, í stað fíngerðra eirstungna Orteliusar eru komnar þunglamalegar tréskurðarmyndir. Kortasafn hans stóðst því ekki samkeppnina til lengdar og útgáfu þess var brátt hætt.
Þegar litið er á kortið kemur í ljós að það er minnkuð eftirmynd af Íslandskorti Orteliusar. Nöfn eru allmiklu færri, eitt skrímslanna kemst ekki til skila og Grímsey er horfin, hún hefur orðið að víkja fyrir titilfeldi kortsins. Í neðra horni þess til hægri er mynd af Kristjáni konungi IV en mörg korta Quads voru prýdd myndum af slíkum tignarmönnum.

Nánar

Höfundur: Matthias Quad
Útgáfuland: Þýskaland
Útgáfuár: 1600

Útgáfa 1
Tungumál: Latína
Útgáfuár: 1600
Stærð: 22×28,6 sm
Útgáfa 2
Útgáfuár: 1600
Stærð: 22×28,6 sm
Útgáfa 3
Útgáfuár: 1600
Stærð: 22×28,6 sm